ახალციხის საკრებულოს ყოფილმა თავმჯდომარემ საფინანსო–საბიუჯეტო კომისიაც დატოვა

ახალციხის საკრებულოს ყოფილმა თავმჯდომარემ კახა ბერიძემ საკრებულოს საფინანსო–საბიუჯეტო, ეკონომიკისა და ქონების მართვის საკითხთა კომისია დატოვა.

იგი სამუშაოდ ახალციხიდან თბილისში გადავიდა. ბერიძე საქართველოს ონკოლოგიისა და შინაგანი მედიცინის კვლევის ცენტრში ლუი პასტერის ლაბორატორიაში ფინანსური მენეჯერია.

„კომისია იმიტომ დავტოვე, რომ სხდომებზე დასწრება გამიჭირდება. ჯანდაცვისა და სოციალურ საკთხთა კომისიის წევრად ვრჩები“, – ამბობს ბერიძე.

დღეს, 7 სექტემბერს, ახალციხის საკრებულოს სხდომაზე ბერიძის მიერ საფინანსო–საბიუჯეტო კომისიის დატოვების საკითხი დეპუტატებმა ცნობად მიიღეს.

აღნიშნულ კომისიაში მუშაობას შოთა ნასყიდაშვილი, ნინო ანანიაშვილი, მამუკა მიქელაძე, ჯიმშერ გოგოლაური და მალხაზ გიქოშვილი აგრძელებენ.

[თამუნა უჩიძე, ახალციხე]