საფინანსო სამსახური: ფორსმაჟორულ ვითარებაში ვმუშაობთ

დღეს, 25 მაისს, საკრებულოს სხდომაზე საფინასო -საბიუჯეტო სამსახურის უფროსმა ლიანა ხმალაძემ საკრებულოს დეპუტატებს მიაწოდა ინფორმაცია, იმის შესახებ, როგორ ართმევს თავს სამსახურის 7 თანამშრომელი დაკისრებულ მოვალეობას.

„ფორსმაჟორულ სიტუაციაში ვმუშაობთ ყველა თანამშრომელი, რათა დოკუმენტები წესრიგში იყოს“, – განაცხადა ლიანა ხმალაძემ.

საკრებულოს თავმჯდომარემ დავით ლომიძემ ლიანა ხმალაძეს მოუწოდა თანამშრომლები მეტად დატვირთოს: „თვითმართველობის გაძლიერებისათვის მნიშვნელოვანია საფინანსო-საბიუჯეტო სამსახურის კარგი მუშაობა“.

რაზეც ხმალაძემ უპასუხა, რომ თუ მათ საქმიანობაში ეჭვი ეპარება, შეუძლია თავად შეამოწმოს მათი მუშაობა: „შეგიძლიათ ერთი საათით მოხვიდეთ და დააკვირდეთ თქვენ და ჟურნალისტები ჩვენს მუშობას“.

შეგახსნებთ, დღეს, 25 მაისს, ქალაქ ახლაციხის საკრებულოს სხდომაზე ოთხი ააიპ-ისა და ერთი სამსახურის ანგარიში მოისმინეს.

[ლუბა გიორგაძე, ახალციხე]