ხანძრის შედეგად დამწვარი 2 წლის ბავშვი გარდაიცვალა

ბავშვის ბაბუა, ნუგზარ ანთიძე ამბობს, რომ მისი გარდარჩენა ვერ მოხერხდა. როგორც მას ექიმებმა განუცხადეს,ხანძირს შედეგად ბავშვს ფილტვები დამწვარი ჰქონდა.

„ფილტვები და შიგნეულობა ჰქონდა დამწვარი, ექიმებმა ყველაფერი გააკეთეს, თუმცა ვერ გადაარჩინეს“– ამბობს, იგი.

შეგახსენებთ, რომ ანთაძეების სახლს ხანძარი 2 თებერვალს დილით, დაახლოებით, 11:00 საათზე გაუჩნდა. ცეცხლი სახურავში გაჩნდა. ამ დროს პატარას სახლის მეორე სართულზე, ერთ–ერთ ოთახში ეძინა.

„ბავშვი დააძინა დედამისმა და ხუთი წუთით ჩამოვიდა ქვევით. ძლიერი ქარი იყო და ცეცხლი ღუმელის მილს სახურავიდან ჩაეკიდა, ოთახში პლასტმასები იყო და ხანძარი მალე მოედო. კარები შევამტვრიეთ, მაგრამ ბავშვი უკვე ცუდ მდგომარეობაში იყო“, – ამბობს ბავშვის ბაბუა ნუგზარ ანთაძე.

დაზარალებული პატარა კატასტროფის მედიცინის ცენტრმა მომხდარიდან მალევე თბილისში, საავადმყოფოში გადაიყვანა.

აქვე შეგახსნებთ, რომ ხანძრის მიზეზებს გამოძიება იკვლევს. ძიება სსკ–ის 187–ე მუხლით დაიწყო, რაც ნივთის დაზიანებას ან განადგურებას გულისხმობს.

[ვარლამ წიკლაური, ახალციხე]