ახალციხეში სახლების სახურავებზე ხანძარი ლოკალიზებულია

სახანძრო სამაშველო სამსახურს ორი ჯგუფი კიდევ დაემატა. ამ დროისთვის მესხეთის ქუჩაზე ხანძრის ჩაქრობას ხუთი მანქანით ცდილობენ.

როგორც მაშველები ამბობენ, ხანძარს ქარი აძლიერებს, თუმცა ორი სახლის სახურავზე ცეცხლი თითქმის ჩამქრალია. ამ წუთებში ცეცხლი იმ სახლის სახურავს უკიდია, რომელზეც ხანძარი პირველად გაჩნდა.

შეგახსენებთ, რომ ახალციხეში, მესხეთის ქუჩაზე ერთი საცხოვრებელი სახლის სახურავზე ხანძარი დაახლოებით 23:00 საათზე განჩდნა, თუმცა ძლიერი ქარის გამო ცეცხლი გვერდით მდგომ ორი სახლის სახურავსაც მოედო. შემთხვევის შედეგად არავინ დაშავებულა.

ხანძრის გაჩენის მიზეზი ამ დროისთვის უცნობია. მომხდარზე ძიება სისხლის სამართლის კოდექსის 187–ე მუხლის მეორე ნაწილით მიმდინარეობს, რაც სხვისი ნივთის დაზიანებას ან განადგურებას გულისხმობს.

[sknews.ge]