ყაჩაღობა და გაუპატიურების მცდელობა სოფელ ფხეროში

შემთხვევა, დღეს 29 იანვარს, საღამოს მოხდა. როგორც ადგილობრივები ყვებიან, „ქალისთვის საფულეს წართმევა უნდოდათ და გაუპატიურებაც უცდიათ“.

მათი თქმით, ქალი კარგადაა, დამნაშავე კი მიიმალა.

ყაჩაღობისა და გაუპატიურების მცდელობის ფაქტს შინაგან საქმეთა სამინისტროში გვიდასტურებენ. მომხდარზე ძიება სსკ–ის 179–ე ყაჩღობისა და 19–137–ე გაუპატიურების მცდელობის მუხლებით მიმდინარეობს.

დაკავებულია თუ არა დამნაშავე, სამინისტროში არ გვპასუხობენ. თუმცა, როგორც ახალციხიდან ადიგენის მიმართულებით მდებარე ბენზინგასამართ სადგურებზე დასაქმებულები ამბობენ, „პოლიცია გაქცეულს ეძებს“.

ადიგენიდან ახალცხის მიმართულებით მიმავალ ყველა მანქანას ახალციხის შესასვლელში სამართალდამცავები მართლაც აჩერებენ. შინაგან საქმეთა სამინისტროში კი გვითხრეს, რომ არაფერი მნიშვნელოვანი არ ხდება, ეს ჩვეუელებრივი საპოლიციო კონტროლია.

[თამუნა უჩიძე, ადიგენი]