ახალციხის შესასვლელში ათამდე ტრაილერია გაჩერებული

შინაგან საქმეთა სამინისტროში აცხადებენ, რომ საპატრულო პოლიციამ 10–მდე ტრალიერი იმ მიზეზით გააჩერა, რომ ვალის საბაჟო გამშვებ პუნქტზე საცობი არ შეიქმნას.

“მანქანებს პოლიცია ეტაპობრივად ატარებს და პროცესს არეგულირებს“,– განმარტავენ შინაგან საქმეთა სამინისტროს საზოგადოებასთან ურთიერთობის სამსახურში.

შეგახსენებთ, რომ მსგავსი შემთხვევა გასულ კვირასაც მოხდა. 28 აპრილს, ახალციხის შესასვლელში, საბარგო სადგურის მიმდებარე ტერიტორიაზე აზერბაიჯანიდან თურქეთის მიმართულებით მიმავალი 80–მდე ტრაილერი იყო გაჩერებული.

საქართველოს შინაგან საქმეთა სამინისტროში აცხადებენ, რომ ატვირთო მანქანების გაჩერების მიზეზი თურქეთის საბაჟო გამშვებ პუნქტზე არსებული ტექნიკური შეფერხებაა.

[ვარლამ წიკლაური, ახალციხე]