ახალციხეში პოლიცია რეიდს ატარებს, ჩხრეკენ ყველა მანქანას

ახალციხიდან ვალეს მიმართულებით მიმავალ საავტომობილო გზაზე მანქანებს პოლიციის ორი თანამშრომელი ამოწმებს. სამართალდამცველები ჩხრეკენ ავტომანქანებს, იწერენ მანქანის ნომრებს და ამოწმებენ მძღოლების საბუთებს.

რეიდების შესახებ „სამხარეთის კარიბჭეს“ რამდენიმე მოქალაქემ აცნობა. ზარების შემდეგ შემთხვევის ადგილზე გაემართა და მსგავსი შემოწმება გაიარა „სამხრეთის კარიბჭეს“ თანამშრომელმაც.

სამართალდამცველმა, რომელიც მას უბნის ინსპექტორად გაეცნო, განუმარტა, რომ „პოლიციური კონტროლი აქვთ“: „ვაჩერებთ ყველა მანქანას, დავალებული გვაქვს. ჩვენ აქ ვამოწმებთ, იქით კიდე გაგაჩერებენ".

ერთ–ერთი მოქალაქის ზარის მიხედვით, ავტომანქანებს ამოწმებენ ადიგენის მიმართულებით, სოფელ არლის გადასახვევთანაც.
გარდა ამისა, სამართალდამცველების სიმრავლეა ქალაქ ახალციხის ქუჩებშიც.

საქართველოს შინაგან საქმეთა სამინისტროს ინფორმაციით, ქალაქში ჩვეულებრივი საპოლიციო კონტროლი მიმდინარეობს.

[sknews.ge]