ახალგაზრდული პროექტი ტურისტული შესაძლებლობების განვითარების მიზნით

„ახალგაზრდა მოგზაურები“– ასე ჰქვია პროექტს, რომელსაც ა/ო სამოქალაქო ინიციატივების ასოციაცია, თემის განვითარებისა და სოციალური მხარდაჭერის ორგანიზაციასთან პარტნიორობით განახორციელებს. პროექტი საზღვრისპირა თანამშრომლობის პროექტის ფარგლებში ევროკავშირის ფინანსური მხარდაჭერით უნდა განხორციელდეს.

პროექტის პრეზენტაცია დღეს, 25 იანვარს, ახალციხეში, დემოკრატიული ჩართულობის ცენტრში შედგა.

ორგანიზატორების თქმით, პროექტის მიზანია ხელი შეუწყოს საერთო ტურისტული შესაძლებლობების განვითარებას საქართველოსა და სომხეთის საზღვრისპირა რეგიონებში (სამცხე-ჯავახეთი და შირაქის რეგიონები) ახალგაზრდების აქტიურ ჩართულობას, მომზადდეს საინფორმაციო ტურისტული სახელმძღვანელო და რუქები.

საქართველოდან და სომხეთის რესპუბლიკიდან პროექტში მონაწილეობას 20 ახალგაზრდა მიიღებს. ახალგაზრდებს კონკურსის წესით შეარჩევენ. შერჩულ მონაწილეებს საქართველოსა და სომხეთში ტრენინგები ჩაუტარდებათ. 7 თვის განმავლობაში ისინი აქტიურად ჩაერთვებიან 2 საერთაშორისო ბანაკში (ბორჯომში: 9 დღე (აპრილი/მაისი) და გიუმრში: 3 დღე (მაისი/ივნისი), მენტორულ პროგრამასა და სხვადასხვა შეხვედრებში.

„ამ ახალგაზრდებს მომავალში შესაძლებლობა ექნებათ სხვადასხვა ჯგუფებს გიდობა გაუწიონ“, – ამბობს პროექტის კოორდინატორი თამარ კაპანაძე.

პროექტში მონაწილეობა სამცხე–ჯავახეთში მცხოვრებ, 18–დან 25 წლამდე ასაკის ახალგაზრდებს შეუძლიათ. კონკურსში მონაწილეობის მსურველებს განაცხადის გაგზავნის ვადა 2016 წლის 27 იანვრის ჩათვლით აქვთ.

მონაწილეობის მსურველებმა უნდა ჩამოტვირთოთ აპლიკაცია ან შეავსეთ ონლაინ ლინკზე https://docs.google.com/…/1ImmZgdTKRKhYfo05vJd6HB…/viewform….

იმ შემთხვევაში თუ აპლიკაციას ონლაინ არ შეავსებთ, იგი უნდა გააგზავნოთ მისამართზე: youngtraveler.cia@gmail.com ან შევსებული აპლიკაციები ამობეჭდილი სახით დატოვოთ ახალციხის დემოკრატიული ჩართულობის ცენტრის ოფისში, მისამართზე: ახალციხე, მანველიშვილის ქ. #19

[ვარლამ წიკლაური, ახალციხე]