საგრანტო კონკურსი საქართველოსა და სომხეთის საზღვრისპირა რეგიონებისთვის

აღმოსავლეთ პარტნიორობის ტერიტორიული თანამშრომლობის პროგრამის ფარგლებში (EaPTC), ადგილობრივი ხელისუფლების წარმომადგენლებს, თემებს და სამოქალაქო ორგანიზაციებს სომხეთისა და საქართველოს მეზობელი რაიონებიდან, შესაძლებლობა აქვთ მონაწილეობა მიიღონ ერთობლივ ტრანსსასაზღვრო პროექტებში. პროგრამის ბიუჯეტი ორივე ქვეყნისთვის 1.35 მილიონი ევროა.

პოტენციურ პარტნიორებს: შირაქიდან, ლორიდან და თავუშიდან, სომხეთის მხრიდან, ხოლო საქართველოდან: ქვემო ქართლიდან და სამცხე-ჯავახეთიდან, განაცხადის შეტანა 2015 წლის 3 თებერვლამდე შეუძლიათ.

ახალი ინიციატივის მთავარი პრიორიტეტებია სოფლის მეურნეობაში კონკურენტუნარიანობის ამაღლება, ტურიზმის სექტორის განვითარება, გარემოსდაცვითი პრობლემების მოგვარება, ადგილობრივი თვითმმართველობის გაძლიერება და მულტიკულტურული დიალოგი რეგიონების საზღვრების ფარგლებში.

აპლიკაციის ფორმა, პროექტში მონაწილეობის კრიტერიუმები და სხვა მნიშვნელოვანი ინფორმაცია შეგიძლიათ იხილოთ აქ: http://eaptc-ma.eu/en/page/cat/1/armenia---georgia/

განაცხადების შეტანა შესაძლებელია EaPTC-ის ოფისში, ელენე ახვლედიანის აღმართი 5, 0103 თბილისი, საქართველო.

პროექტის მხარდამჭერი პროგრამა EaPTC საინფორმაციო სახის შეხვედრებს ატარებს სომხეთსა და საქართველოში, სადაც დაინტერესებულ მხარეებს შესაძლებლობა ექნებათ მიიღონ უფრო მეტი ინფორმაცია პროგრამის შესახებ. საქართველოში შეხვედრა გაიმართება: 17 ნოემბერს 10.00 საათზე რუსთავში, USAID-ის სამოქალაქო ჩართულობის ცენტრის ოფისში.

აღმოსავლეთ პარტნიორობის ტერიტორიული თანამშრომლობის პროგრამა (EaPTC) მიზნად ისახავს სასაზღვრო რეგიონებში არსებული სოციალური და ეკონომიკური განვითარების გამოწვევების ფონზე, ხელი შეუწყოს და გააძლიეროს ტრანსსასაზღვრო თანამშრომლობა, როგორც რეგიონულ და ადგილობრივ ხელისუფლებას, ასევე სხვადასხვა თემებსა და სამოქალაქო ორგანიზაციებს შორის.

[sknews.ge]