ავტოსაგზაო შემთხვევის ფაქტზე შსს–მ ძიება დაიწყო

საქართველოს შინაგან საქმეთა სამინისტროს ინფორმაციით,გამოძიება 276–ე მუხლის მეხუთე ნაწილით მიმდინარობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს, რამაც გამოიწვია ადამიანის სიცოცხლის მოსპობა. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

შეგახსენებთ, რომ უბედური შემთხვევა დღეს, 14 იანვარს დაახლოებით 08:40 საათზე მოხდა. რუსთაველის ქუჩაზე “სუბარუს” მარკის ავტომობილი ქალაქის ცენტრიდან უნივერსიტეტის მიმართულებით მოძრაობდა, რა დროსაც ჯერ განათების ბოძს, შემდეგ კი მეეზოვეს დაეჯახა. ქალბატონი ადგილზე გარდაიცვალა.

[თინათინ ზაზაძე, ახალცხე]