ბორჯომში ავარიას 46 წლის კაცი ემსხვერპლა

შემთხვევა ახალდაბასთან გუშინ, 24 აგვისტოს დაახლოებით 21:00 საათზე მოხდა. ადგილზე მისულ სასწრაფო სამედიცინო დახმარების ჯგუფს კაცი გარდაცვლილი დახვდა.

თვითმხილველების განმარტებით, კაცს ჯერ მსუბუქი მანქანა, შემდეგ კი "ტრაილერი" დაეჯახა.

"ტრაილერის მძღოლი ამბობდა, მე რომ დავეჯახე უკვე გარდცვლილი იყოო. მანქანას კამერა ჰქონდა, იმ კადრებში ყველაფერი გამოჩნდება", – ამბობენ ადგილობრივები.

გარდაცვლილი ხაშურიდან არის.

შინაგან საქმეთა სამინიტროში აცხადებენ, რომ მძღოლის დასაკავებლად ინტენსიური საგამოძიებო მოქმედებები მიმდინარეობს.

მომხდარზე ძიება სისხლის სამართლის კოდქსის 276–ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. რამაც გამოიწვია ადამიანის სიცოცხლის მოსპობა, – ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

[თინათინ ზაზაძე, ბორჯომი]