უდესთან მომხდარ ავარიაზე, რომელსაც მამაკაცი ემსხვერპლა, საქმე გადაკვალიფიცირდა

4 ნოემბერს, ადიგენის სოფელ უდესთან მომხდარი ავტოავარია, თავდაპირველად სისხლის სამართლის კოდექსის 276–ე მუხლის პირველი ნაწილით მიმდინარეობდა, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

13 ნოემბრის შემდეგ კი, როცა ავტოავარიის შედეგად, ერთ–ერთი მგზავრი გარდაიცვალა, საქმე გადაკვალიფიცირდა. ამ ეტაპზე, გამოძიება სისხლის სამართლის კოდექსის 276–ე მუხლის მეხუთე ნაწილით მიმდინარეობს,რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.

აღნიშნული ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით, სამ წლამდე.

შეგახსენებთ, რომ 2016 წლის 4 ნოემბერს, სოფელ უდესთან, ერთმანეთს ადიგენი–თბილისის მიმართულებით მიმავალი სამგზავრო "მიკროავტობუსი“ და ჯიპის მარკის ავტომობილი შეეხაჯნენ. შემთხვევის შედეგად, "მიკროავტობუსში“ მყოფი რამდენიმე მგზავრი და ჯიპის მარკის ავტომობილის მძღოლი დაზიანდნენ.

[sknews.ge]