ახალციხეში ავტომობილი ახალგაზრდა მამაკაცს დაეჯახა

შემთხვევა დაახლოებით ნახევარი საათის წინ მოხდა. როგორც ავტომობილის მძღოლმა „სამხრეთის კარიბჭე“–ს განუცხადა, ფეხით მოსიარულე მოძრავ მანქანას წინ გადაუხტა.

ადგილზე მობილიზებულია საპატრულო პოლიცია. დაშავებული სასწრაფო სამედიცინო დამხმარების ბრიგადამ საავადმყოფოში გადაიყვანა.

შსს-ში განმარტავენ, რომ გამოძიება სსკ 276–ე მუხლის 1–ლი ნაწილით მიმდინარეობს. აღნიშნული მუხლი გულისხმობს "ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება, – ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ".

[ვარლამ წიკლაური, ახალციხე]