წნისში ავტოსაგზაო შემთხვევას ახალციხელი მამაკაცი ემსხვერპლა

ავტოსაგზაო შემთხვევა სოფელ წნისთან, დაახლოებით 2 საათის წინ მოხდა. "ოპელის" მარკის ავტომანქანა გზის სავალი ნაწილიდან გადავიდა, ქუჩის ბორდიულს შეეჯახა და მინდორში გადავარდა. შემთხვევის შედეგად 60 წლამდე ასაკის, ახალციხეში მცხოვრები მამაკაცი ადგილზე გარდაიცვალა. მეორე მგზავრი კი მძიმე დაზიანებებით საავადმყოფოში გადაიყვანეს.

გარდაცვლილი მამაკაცი პროზექტურაშია გადაყვანილი.

გამოძიება სსკ-ის 276–ე მუხლის მე-5 ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, იმის მიერ, ვინც ამ სატრანსპორტო საშუალებას მართავს, რამაც გამოიწვია ადამიანის სიცოცხლის მოსპობა. აღნიშნული დანაშაული ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

[თინათინ ზაზაძე, ახალციხე]