ადიგენში ავარიას 59 წლის კაცი ემსხვერპლა

შემთხვევა დაახლოებით 20:00 საათზე მოხდა. "მერსედესის" მარკის ავტომობილი ადიგენიდან ახალციხის მიმართულებით მოძრაობდა. როგორც თვითხმილველები ჰყვებიან მოსახვევში მძღოლმა საჭე ვერ დაიმორჩილა და ხევში გადავარდა.

შემთხვევის დროს მანქანაში მარტო მძღოლი იმყოფებოდა. ადგილზე მისულ სასწრაფო სამედიცინო დახმარების ბრიგადას ზ.დ უკვე გარდაცვლილი დახვდა.

გარდაცვლილი კაცი ადიგენის მუნიციპალიტეტის სოფელ ბოლაჯურიდან არის.

შსს–მ მომხდარზე ძიება, სსკ–ს 276–ე მუხლის, მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა, –ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

[თინათინ ზაზაძე, ადიგენი]