"ახალციხის ციხის" დირექტორის შესაძლო ცემის ფაქტზე ძიება შეწყდა

ამის შესახებ "სამხრეთის კარიბჭეს" სამცხე–ჯავახეთის საოლქო პროკურატურაში განუცხადეს.

"ახალციხის ციხის" დირექტორის მოვალეობის შემსრულებელი ილია სიდამონიძე ირწმუნება, რომ მისთვის რუხაძეს არ დაურტყია.

შინაგან საქმეთა სამინისტრო "სამხრეთის კარიბჭეში" გამოქვეყნებული სტატიის საფუძველზე ახალციხის მერის ყოფილი მძღოლისა და ახალციხის ციხის დირექტორის მოადგილის მეუღლის, გიგი რუხაძის მიერ ილია სიდამონიძის შესაძლო ცემის ფაქტს იძიებდა.

რუხაძე 2015 წლის იანვრიდან პირველ აგვისტომდე მერიის შტატგარეშე თანამშრომელი იყო. როგორც ახალციხის მერიიდან წერილობით (N217/05) გამოთხოვილ ინფორმაციაში ვკითხულობთ: "მისი შრომითი ხელშეკრულება არ გაგრძელდა, რადგან მერიაში დაემატა ახალი შტატი მატერიალურ ტექნიკური საკითხებში, შესაბამისად მისი შტატგარეშე მოსამსახურე ყოფნის საჭიროება აღარ არსებობდა".

შეგახსენებთ, რომ თვითმხილველების განცხადებით, ნასვამ მდგომარეობაში მყოფმა გიგი რუხაძემ ილია სიდამონიძეს დაარტყა. შსს საქმეს სსკ–ის 125–ე მუხლით იძიებდა, რაც ცემას გულისხმობს.

[თამუნა უჩიძე, ახალციხე]