‘ახალციხის ციხეზე’ დირექტორის მოადგილე დანიშნეს

ეს პოზიცია 24 თებერვლიდან ნათია ხუციშვილს ჩააბარეს. ხუციშვილი გახსნის დღიდან ‘ახალციხის ციხეზე’ მუშაობს.

„ნათია ერთ–ერთი განყოფილების უფროსი, მუზეუმში მეთვალყურეების ხელმძღვანელი იყო“, – ამბობს „ახალციხის ციხის“ დირექტორის დროებით მოვალეობის შემსრულებელი ილია სიდამონიძე.

მისი განცხადებით, ციხეზე დირექტორისა და მოადგილის დანიშვნა, ქალაქის მერის პრეროგატივაა: „როდესაც ადგილობრივ თვითმმართველობას ხარჯთაღრიცხვა წარვუდგინე, საჭიროდ ჩავთვალე, რომ ამხელა ორგანიზაციაში დირექტორს მოადგილე უნდა ჰყოლოდა და ესეც გავითვალისწინე“.

„ახალციხის ციხეზე“ დირექტორის მოადგილის თანამდებობის შტატი გაუქმებული იყო. როგორც სიდამონიძე აცხადებს, ეს შტატი მისმა წინა მორბედმა გუჯა ბიჭაშვილმა გააუქმა: „თუმცა, მის ნაცლვად სამი კონსულტანტი, საკმაოდ დიდი ხელფასებით ჩასვა“.

სიდამონიძის განცხადებით, ბიჭაშვილის დროს დირექტორის მოადგილის ხელფასი 1 500 ლარს შეადგენდა. ახლა კი მოადგილის ანაზღაურება 1 200 ლარია.

„მთავრობა გვეუბნება, რომ ქამრები უნდა შემოვიჭიროთ და შემოვიჭირეთ კიდეც“, – ამბობს სიდამონიძე და ამატებს, რომ თავად მისი ხელფასი 800 ლარით შემცირდა.

[თამუნა უჩიძე, ახალციხე]