ახალციხის მეხუთე სკოლაში მოსწავლეების შესაძლო ცემის ფაქტზე გამოძიება დაიწყო

ახალციხის მეხუთე საჯარო სკოლაში ბავშვებზე შესაძლო ძალადობის ფაქტს ახალციხის რაიონული სამმართველო სსკ–ის 125–ე მუხლით იძიებს, რაც ცემას ან სხვაგვარ ძალადობას გულისხმობს. აღნიშნული დანაშაული ისჯება ჯარიმით, ან გამასწორებელი სამუშაოთი ვადით თხუთმეტიდან ოცდაოთხ თვემდე, ანდა თავისუფლების აღკვეთით ვადით ერთ წლამდე.

„კანონი გვავალდებულებს, რომ მასმედიის საშუალებით გავრცელებულ ინფორმაციაზე მოკლვევა და გამოძიება დავიწყოთ“, – განუცხადეს „სამხრეთის კარიბჭეს“ შინაგან საქმეთა სამინისტროს საზოგადოებასთან ურთიერთობის სამსახურში.

შეგახსენებთ, რომ ახალციხის მეხუთე საჯარო სკოლის მათემატიკის მასწავლებელს მეექვსე კლასის მოსწავლეების ცემაში ადანაშაულებენ. აღნიშნულს თავად პედაგოგი კატეგორიულად ურყოფს.

[თამუნა უჩიძე, ახალციხე]