დღეს ახალციხეში სავალდებულო გენდერული კვოტების მოთხოვნით ხელმოწერები შეგროვდება

პარლამენტში გენდერული კვოტირების საკანონმდებლო ინიციატივის წარსადგენად 30 000 ხელმოწერაა საჭირო. ხელმოწერები ინტენსიურად გროვდება საქართველოს სხვადასხვა ქალაქში. დღეს კი ინიციატივის მხარდაჭერა საკუთარი ხელმოწერით, ახალციხეში იქნება შესაძლებელი, სამცხე-ჯავახეთის დემოკრატ ქალთა საზოგადოების ოფისში, მისამართზე: მ.კოსტავას ქ.N 109.



საკანონმდებლო ინიციატივის წარდგენას მხარს უჭერს ქალთა პოლიტიკური მონაწილეობის სამუშაო ჯგუფი (Task Force), რომლის შემადგენლობაშიც შედიან ქალთა პოლიტიკური მონაწილეობის საკითხებზე მომუშავე საერთაშორისო და ადგილობრივი ორგანიზაციები.

ხელმოწერების შეგროვებას და საკანონმდებლო ინიციატივის დარეგისტრირების ადმინისტრირებასა და კოორდინირებას “ქართველ და გერმანელ ქალთა განათლებისა და ინფორმაციის საერთაშორისო ცენტრი“ ახორციელებს.

ხელმოწერების შეგროვება მთელი საქართველოს მასშტაბით 12 ივნისამდე გაგრძელდება და ნებისმიერ მსურველს შეეძლება გახდეს საკანონმდებლო ინიციატივის მხარდამჭერი.

* კითხვებისთვის დაუკავშირდით:
593 92 64 29 – ახალციხის გენდერის მედიაცენტრი;
571 54 83 44 – სამცხე-ჯავახეთის დემოკრატ ქალთა საზოგადოება

[ნინო ნარიმანიშვილი, ახალციხე]