ბაკურიანში 'კოხტას' საბაგირო გაიხსნება

მთავარი → ეკონომიკა 27.12.2015

დაბა ბაკურიანში დასრულებულია საბაგირო გზის „კოხტა“-ს მშენებლობა. ახალი საბაგირო, რომელსაც შუალედური სადგურიც ექნება, დღეს, 27 დეკემბერს,12:00 საათზე, საზეიმოდ გაიხსნება.

ბორჯომის მუნიციპალიტეტის გამგეობის ინფორმაციით, აღნიშნულ პროექტის გასახორციელებლად თანამშრომლობის მემორანდუმი გაფორმდა - საქართველოს მთავრობას, საქართველოს ეკონომიკისა და მდგრადი განვითარების სამინისტროს სსიპ "სახელმწიფო ქონების ეროვნულ სააგენტოს", ასევე ეკონომიკის სამინისტროს შპს "მთის კურორტების განვითარების კომპანიას" და "თიბისი ჯგუფის" კომპანია "ჯიარდისი ჰოლდინგს" შორის.

კოხტას მთაზე დამონტაჟდა მსოფლიოში ერთ-ერთ წამყვანი მწარმოებლის "დოპელმაიერის" საბაგირო.

"აღსანიშნავია, რომ დაბა მიტარბის ტერიტორიაზე 2016 წლის ბოლოს დასრულდება ორი საბაგიროსა და ერთი საჩოჩიალოს, მშენებლობა. მიმდებარე ტერიტორიაზე აშენდება 300 საწოლზე გათვლილი ტურისტული ინფრასტრუქტურა- სასტუმროები, აპარტოტელები, კოტეჯები, კვებისა და გასართობი ობიექტები, რაც ხელს შეუწყობს სამთო-სათხილამურო ტურიზმის განვითარებას საქართველოს ისტორიულ კურორტ ბაკურიანში", – აცხადებენ ბორჯომის მუნიციპალიტეტის გამგეობაში.

ბაკურიანში 'კოხტას' საბაგირო გაიხსნება