ბაკურიანში დიდველის საბაგირო გამორთულია

მთის კურორტების განვითარების კომპანიაში აცხადებენ, რომ საბაგიროს გახსნა ამინდზეა დამოკიდებული.

„ქარის გამო დიდველის საბაგირო გამორთულია, შესაბამისად ტრასებიც არ მუშაობს, როდის გაიხსნება ზუსტად არ ვიცით, ბუნებრივი მოვლენაა. როცა ქარი ჩადგება“, – ამბობს მთის კურორტების განვითარების კომპანიის საზოგადოებასთან ურთიერთობის სამსახურის, უფროსი თამთა იაშაღაშვილი.

სააგენტოში აცხადებენ, რომ ამ პერიოდში დამსვენებლებს შეუძლიათ ისარგებლონ კოხტას სასრიალო ტრასებით.

„ჩართულია კოხტა–გორა ერთი და კოხტა პლატო. რაც შეეხება მიტარბის სასრიალო ტრასას, ჯერ–ჯერობით საკმარისი თოვლი არ არის, რომ საბაგირო იყოს ჩართული“, – ამბობს თამთა იაშაღაშვილი.

[ნუკა სტეფნაძე, ბორჯომი]