ბაკურიანში ზაფხულის სეზონი გაიხსნა

ბორჯომის მუნიციპალიტეტის გამგეობის ინფორმაციით, ზაფხულის სეზონთან დაკავშირებით დაბა ბაკურიანში დიდველის საბაგიროები დამსვენებელს ყოველდღე 12:00 საათიდან 18:00 საათამდე მოემსახურება. მთაზე ველო სპორტის მოყვარულებისთვის კი ველო ბილიკები მოეწყობა.

2 ივლისიდან ფუნქციონირებას დაიწყებს გარემონტებული და თანამედროვე ტექნიკით აღჭურვილი კინოთეატრი "დიდველი".
კინოთეატრი მაყურებელს ყოველკვირეულად ახალ ფილმებს 3D ფორმატში შესთავაზებს.

ეკონომიკისა და მდგრადი განვითარების სამინისტროს მთის კურორტების განვითარების კომპანიის ინფორმაციით, დაგეგმილია კოხტის და მიტარბის საბაგიროს თანამედროვე ტიპის საბაგიროებით ჩანაცვლება და ახალი სათხილამურო ტრასების მოწყობა. კომპანიას დაგეგმილი აქვს დამატებითი ტურისტული ატრაქციების შექმნა, როგორიცაა ტობოგანი (სამთო ციგა) და ევრო სტანდარტების ველოპარკი. ველოპარკის დაპროექტება და მშენებლობა ხორციელდება ტურიზმის ეროვნულ ადმინისტრაციასთან ერთად.

[თამარ თოთაძე, ახალციხე]