მერიის ჯილდო შსს-ს სამცხე-ჯავახეთის დანაყოფების ხელმძღვანელებს

„ახალციხის გამოჩენისთვის და სპორტში გამარჯვებისთვის“– მერიამ სამცხე–ჯავახეთის პოლიციის პირველ პირებს სიგელები დღეს, 23 დეკემებრს გადასცა. შეხვედრა ქალაქის მერის კაბინეტში შედგა.

მერიამ ის ხუთი ახალგაზრდაც დააჯილდოვა, რომლებიც ძალისმიერ სამჭიდსა და წოლჭიმში მოინაწილეობდნენ.

ახალციხის მერიის კულტურის სამსახურის, ასევე ქალაქის მერის ინიციატივით, ხუთ ახალგაზრდას საახალწლო საჩუქრად 200 ლარი გადაეცემა. როგორც ქალაქის მერმა, გიორგი კოპაძემ აღნიშნა, სამცხე–ჯავახეთის ათლეტიზმის ფედერაცია მეოთხე თვეა არსებობს და ასეთი წაარმატება ქალაქისთვის მნიშვნელოვანია.

„მე გადავწყივიტე, რომ ხუთი ახალგაზრდა საახალწლოდ 200 ლარით დავაჯილდოვო. მათ დიდი წარმატება მოიპოვეს და პირველები გახდნენ. ეს ძალიან მნიშვნელოვანია“, – განაცხადა ქალაქის მერმა.

სამცხე–ჯავახეთის პოლიციის დეპარტამენტის უფროსმა, თეიმურაზ კალანდაძემ ქალაქი მერს მადლობა გადაუხადა იმისთვის, რომ გვერდში უდგას ახალციხეში სპორტის ამ სსახეობის განვითარებას.

მერიას მადლობა გადაუხადა სამცხე–ჯავახეთის ათლეტიზმის ფედერაციის პრეზიდენტმა, სპარტაკ თაქთაქიძემაც: „ეს იყო მოულოდნელი, ბიჭებმა ყველაფერი გააკეთეს იმისთვის, რომ გაგვემარჯვებინა. დიდი მადლობა მერიას მხარდაჭერისთვის“.

შეგახსენებთ, 20 დეკემბერს თელავში, ძალისმიერ სამჭიდსა და წოლჭიმში გიორგი რეხვიაშვილის სახელობის საქართველოს თასის მეექვსე გათამაშება გაიმართა. ქვეყნის მასშტაბით გამართულ ჩემპიონატს წელს პირველად ახალციხეც შეუერთდა.

სამცხე–ჯავახეთის პოლიციის დეპარტამენტის დირექტორმა თეიმურაზ კალანდაძემ წოლჭიმში ღია ასაკობრივ დივიზიონში პირველი ადგილი აიღო. იგივე კატეგორიაში, ოღონდ ვეტერანების დივიზიონში, ასევე პირველი ადგილი საპატრულო პოლიციის სამცხე–ჯავახეთის მთავარი სამმართველოს უფროსის მოადგილემ კობა კობახიძემ დაიკავა.



[ვარლამ წიკლაური, ახალციხე]