რომან გოგოლაურს წიგნის გამოცემას მერია დაუფინანსებს

პროფესორთან შეხვედრა ახალციხის მერიის კულტურის სამსახურის ინიციატივით, დღეს, 22 დეკემბერს, ადმინისტრაციის შენობაში შედგა.

შეხვედრაზე, რომელსაც უნივერსიტეტისა და მერიის თანამშრომლები ესწრებოდნენ, პროფესორის ცხოვრებასა და შემოქმედებაზე ისაუბრეს.

ახალციხის მერმა გიორგი კოპაძემ განაცხადა, რომ მერია მზადაა 5000 ლარი გამოყოს რომან გოგოლაურის წიგნის დასაბეჭდად. წიგნი, სახელწოდებით – „ჩრდილო კავკასია – სამცხე–ჯავახეთის ურთიერთობა და ქართლ–კახეთი მე–18 საუკუნეში“ 500 ეგზემპლარად დაიბეჭდება და ბიბლიოთეკებს უფასოდ გადაეცემა.

პროფესორმა რომან გოგოლაურმა მერიას მხარდაჭერისთვის მადლობა გადაუხადა: „დიდი მადლობა ქალაქის მერიას, ბატონ გია კოპაძეს ასეთი გულთბილი შეხვედრისთვის და ჩემი მოღვაწეობის დაფასებისთვის“.

წიგნის გამოშვება იანვარში იგეგმება.

[ვარლამ წიკლაური, ახალციხე]