სამცხე-ჯავახეთის პოლიციის დეპარტამენტის დირექტორი აბსოლუტური ჩემპიონი გახდა

სამცხე–ჯავახეთის პოლიციის პირველმა პირებმა საქართველოს ღია ჩემპიონატში მონაწილეობა 27 დეკემბერს მიიღეს.

თეიმურაზ კალანდაძემ 74 კგ წონით კატეგორიაში იასპარეზა, 155 კილოგრამიანი შტანგა ასწია, პირველი ადგილი დაიკავა და ოქროს მედალს დაეუფლა.

კობა კობახიძემ კი 120 კგ წონით კატეგორიაში იასპარეზა, 152,5 კილოგრამიანი შტანგა ასწია, მეორე ადგილზე გავიდა და ვერცხლის მედალი მოიპოვა.

საქართველოს ღია ჩემპიონატი ძალისმიერ სამჭიდსა და წოლჭიმში პროფესიონალ სპორტსმენებს შორის ყოველწლიურად იმართება. კალანდაძემ და კობახიძემ 20 დეკემბერს თელავში გამართულ გიორგი რეხვიაშვილის სახელობის საქართველოს თასის მეექვსე გათამაშებაში პირველი ადგილი დაიკავეს და ოქროს მედლები მიიღეს.

[თამუნა უჩიძე, ახალციხე]