ბორჯომში, საახალწლო ღონისძიებისთვის ტენდერი 22.445 ლარზე გამოაცხადეს

ბორჯომის მუნიციპალიტეტის გამგეობამ საახალწლო ღონისძიებისთვის ტენდერი 22.445 ლარზე გამოაცხადა. წინადადებების მიღება ხვალ,7 დეკემბერს დაიწყება და 9 დეკემბერს დასრულდება.

ტენდერში გამარჯვებულმა კომპანიამ, 31 დეკემბერს უნდა უზრუნველყოს საკარნავალო მსვლელობა - კოსტუმირებული მსახიობების (ფიფქია, თოვლის ბაბუა, ორი ანიმატორი). 2 საათის განმავლობაში თოვლის ბაბუა, ეტლით ან ღია მანქანით ქალაქის ქუჩებში, დაახლოებით 240 პატარას სასაჩუქრე პაკეტს გადასცემს.

ამავე დღეს, დაჯილდოვდება 40 წარჩინებული სპორტსმენი, ხელოვანი, პედაგოგი და მედიცინის მუშაკი სიგელით და საჩუქრით (სუვენირი, მცირე საოჯახო ტექნიკა ან სუვენირი ასაკისა და პროფსიის გათვალისწინებით).

საახალწლო დღესასწაული ბორჯომში კონცერტით და ფოიერვერკით დასრულდება.

[თინათინ ზაზაძე, ბორჯომი]