46.277 ლარი საახალწლო ღონისძიებებისთვის - მერიამ ტენდერი გამოაცხადა

ახალციხის მერიამ საახალწლო ღონისძიებებისთვის ტენდერი დღეს, 7 დეკემბერს გამოაცხადა. წინადადებების მიღება 9 დეკემბერს დასულდება.

ტენდერის პირობების მიხედვით, საახალწლო ღონისძიება 28 დეკემბერს დაიწყება. ამ დღეს თოვლის ბაბუა, მასხარა და ზღაპრის გმირები, N7 საჯარო სკოლას ესტუმრებიან და 31 მოსწავლეს ტკბილეულით დაასაჩუქრებენ.

31 დეკემბერს კი საზეიმო ღონისძიება 14:00 საათზე დაიწყება. ქალაქის ქუჩებში ზღაპრის გმირების კოსტიუმებში გამოწყობილი მსახიობების მსვლელობა მოეწყობა.

15:00 საათზე ცენტრალურ პარკში შეკრებილი პატარებისათვის დაიწყება წარმოდგენა. 18:00 საათზე კი, მერიის თანამშრომლები და თოვლის ბაბუა პატარებს საჩუქრებს გადასცემენ.

შეგახსენებთ, რომ 2014 წლის საახალწლო ღონისძიებებისთვის 34.025 ლარი დაიხარჯა.

[თინათინ ზაზაძე, ახალციხე]