ბორჯომსა და ბაკურიანში საახალწლოდ ტენდერი 84 745 ლარზე გამოცხადდა

სატენდერო დოკუმენტაციის მიხედვით, ბორჯომში საახალწლო ღონისძიება 19:00 საათზე დაიწყება, ბაკურიანში კი 22:00 საათზე.

ბორჯომში და ბაკურიანში საახალწლო კონცერტებს მოწვეული სცენარისტები დაგეგმავენ. ახალი წლის ღამეს ბორჯომში გალა კონცერტს წამყვანი გაუძღვება. სტუმრების განწყობაზე ერთ მომღერალი და ორი მუსიკალური ჯგუფი იზრუნებს. კონცერტი ორი საათი გაგრძელდება. მსგავსი ღონისძიება ჩატარდება ბაკურიანშიც.

ახალი წლის ღამეს 30 წარჩინებული სპორტსმენს, ხელოვანს, პედაგოგს, მედიცინის მუშაკსა და სხვა წარჩინებული ადამიანს, სიგელი „,წარჩინებული 2016“ და 100–ლარიანი სასაჩუქრე ვაუჩერი გადაეცემა.

კონცერტის მიმდინარეობისას რკინის კასრებში ცეცხლი აინთება. ალკოჰოლური და ცხელი სასმელების კომპანიები პროდუქციის რეკლამირებისა და რეალიზაციისთვის, სტუმრებს თავიანთ პროდუქციას შესთავაზებენ. საზეიმო ღონისძიება გრანდიოზული ფოიერვერკით დასრულდება.
კონცერტის დაწყებამდე ფიფქია და თოვლის ბაბუა მარხილით, ორი საათის განმავლობაში, ბაკურიანის ქუჩებში ივლიან და პატარებს საახალწლო ტკბულეულს დაურიგებენ.

თოვლის ბაბუა მანქანით საჩუქრებს დაარიგებს ბორჯომში და სოფლებში: ახალდაბა, ზანავი, კორტანეთი, რველი, ყვიბისი, ჭობისხევი, ქვაბისხევი, დვირი, ტაძრისი, დაბა, წაღვერი, ცემი, სადგერი, ტბა. მსახიობები მოიპატიჟებენ მოსახლეობას კონცერტზე და ბავშვებს დაურიგებენ საჩუქრებს. ეს ღონისძიება12:00 საათიდან - 18:00 საათამდე გაგრძელდება.

ჯამში საახალწლო ტკბილეულს 800 პატარა მიიღებს.

ტენდერში მონაწილეობა სამმა კომპანიამ მიიღო, აქედან ორს დისკვალიფიკაცია მიენიჭა, მესამე კომპანია შპს „ტიფლისთან“ დაკავშირებით, ამ ეტაპზე დეკომენტაციის დაზუსტება მიმდინარეობს. გაიმარჯვებს თუ არა ტენდერში შპს „ტიფლისი“ ხვალ, 20 დეკემბერს გაირკვევა.

[თინათინ ზაზაძე, ბორჯომი]