ახალციხის მერიამ საახალწლო ღონისძიებებისთვის ტენდერი 39 614 ლარზე გამოაცხადა

ახალციხის მერიამ საახალწლო ღონისძიებებისთვის ტენდერი 39 614 ლარზე გუშინ, 7 დეკემბერს გამოაცხადა. წინადადებების მიღება 13 დეკემბერს დასრულდება.

ტენდერის პირობების მიხედვით ახალციხის ქუჩებში, ცენტრალურ პარკში, სკვერებში, განათების ბოძებსა და ხეებზე საახალწლო აქსესუარები დამონტაჟდება.

საახალწლო ნაძვის ხე ქალაქის ცენტრალურ პარკში დაიდგმება, აქვე გაიმართება საახალწლო ღონისძიებები.

31 დეკემბერს, ცენტრალურ პარკში 14:00 დან-18:00 საათამდე პატარებისთვის მოეწყობა კოსტიუმირებული ღონისძიება მოხალისე მსახიობებთან ერთად. ახალციხის მერია 500 პატარას საჩუქრად ბურთებსა და ტკბილეულს გადასცემს.

23:00 საათზე კი საახალწლო კონცერტი დაიწყება, რომელიც ფოიერვერკით დასრულდება.

[თინათინ ზაზაძე, ახალციხე]