პროგრამას - „აწარმოე საქართველოში“ ორი ქვეკომპონენტი ემატება

საქართველოს ეკონომიკისა და მდგრადი განვითარების მინისტრის დიმიტრი ქუმსიშვილის განმარტებით, სასტუმროს კომპონტენტი მნიშვნელოვანია იმდენად, რამდენადაც ტურიზმიდან შემოსავლები მილიარდ 800 მილიონ დოლარს უტოლდება, ხოლო კინოინდუსტრიის პროექტით, რომელიც მომზადებულია კულტურის სამინისტროსთან ერთად, მთავრობას სურს, წაახალისოს საქართველოში საერთაშორისო ფილმების, სერიალების გადაღება: „ რაც დამატებითი სამუშაო ადგილების, გადასაღები მოედნების, პროფესიონალების ჩამოყალიბებასა და ქვეყნის პოპულარიზაციას შეუწყობს ხელს“.

პროგრამა “აწარმოე საქართველოში” 2014 წლის 1 ივნისიდან დაიწყო. პროგრამის ბიუჯეტი 46 მილიონი ლარია და დამწყები საწარმოების, ე.წ. სტარტ აფების ამუშავებისთვის იქნება მიმართული. ამ ხნის განმავლობაში პროგრამას რამდენიმე კომპონენტი დაემატა, მათ შორის, ოქტომბრიდან რეგიონებში მიკრო და მცირე მეწარმეების დაფინანსება.

ამ კომპონენტის ფარგლებში გამარჯვებულ ბენეფიციარებს სამცხე–ჯავახეთიდან ეკონომიკის მინისტრი გუშინ, 3 დეკემბერს შეხვდა. შეხვედრა ახალციხეში შედგა.

[sknews.ge]