ეკონომიკის მინისტრი ახალციხეში სამთავრობო პროგრამის გამარჯვებულებს შეხვდება

შეხვედრა ახალციხეში, სასტუმრო „ლომსიაში“ გაიმართება. ეკონომიკის მინისტრთან ერთად ახალციხეში ელოდებიან მეწარმეობის განვითარების სააგენტოს დირექტორს ანა კვარაცხელიას.

შეხვედრაზე მიწვეული არიან პროგარამაში სამცხე–ჯავახეთიდან გამარჯვებული მეწარმეებიც. რამდენიმე მათგანი თავიანთი საქმიანობის შესახებ მოკლე პრეზენტაციას გამართავს.

ეკონომიკის მინისტრი გამარჯვებულ ბენეფიციარებს სერტიფიკატებს გადასცემს და რამდენიმე საწარმოს ადგილზე დაათვალიერებს.

სამინისტროს ინფორმაციით, სამთავრობო ინიციატივის „აწარმოე საქართველოში“ ახალი კომპონენტის „მიკრო და მცირე მეწარმეობის ხელშეწყობა საქართველოში“ პროგრამის ფარგლებში სამცხე–ჯავახეთში 153 ხეშეკრულებაა გაფორმებული. დაფინანსებულია 144 ბიზნეს იდეა, რომელიც ჯამში შექმნის 400–მდე სამუშაო ადგილს.

[თინათინ ზაზაძე, ნინო ნარიმანიშვილი, ახალციხე]