პროგრამაში 'აწარმოე საქართველოსთვის' ბიზნესიდეების წარდგენის ვადა 5 აპრილამდე გადაიწია

მიკრო და მცირე მეწარმეობის ხელშეწყობის პროგრამის ვებგვერდი – www.qartuli.ge რამდენიმე დღის განმავლობაში არ მუშაობდა. მიზეზი 28 მარტს, საქართველოს ეკონომიკის სამინისტროს შენობაში გაჩენილი ხანძარი გახდა. სწორედ ამიტომ ბიზნეს იდეების მიღების ბოლო ვადა 31 მარტის ნაცვლად 5 აპრილამდე გაგრძელდა.

მეწარმეობის განვითარების სააგენტოში განმარტავენ, რომ ამ ეტაპზე ვებგვერდი – www.qartuli.ge გამართულად მუშაობს და ნებისმიერ მსურველს შეუძლია თავისი ბიზნეს იდეა დაარეგისტრიროს.

ხანძრის შედეგად ეკონომიკის სამინისტროში შენობის 6-7 სართულები დაზიანდა. დაიწვა 400-500 კვ.მ. ფართობი.

სააგენტოს ინფრომაციით ყველა განაცხადი, რომელიც აქამდე იყო შესული, შენახულია და არც ერთი განაცხადის დაკარგვა არ არის მოსალოდნელი. მათივე ინფორმაციით, ამ ეტაპზე სამცხე–ჯავახეთიდან 827 განაცხადია შესული.

[თინათინ ზაზაძე, ახალციხე]