სოფელ ყვიბისში რეაბილიტირებული საბავშვო ბაღი გაიხსნა

ბორჯომის მუნიციპალიტეტის სოფელ ყვიბისის საბავშვო ბაღს რეაბილიტაცია ჩაუტარდა. მოეწყო სათამაშო და საძინებელი ოთახები, სამზარეულო, სველი წერტილები, შეიცვალა კარ–ფანჯარა და დაზიანებული იატაკი, მოპირკეთდა გარე ფასადი და ეზო, ასევე მოეწყო საბავშვო გასართობი მოედანი. ბაღი ახალი ავეჯით, სათამაშოებით, ყველა საჭირო ინვენტარითა და ტექნიკით აღიჭურვა.

შენობის სრულ რეაბილიტაციას ადგილობრივი ბიუჯეტიდან 102 ათასი ლარი მოხმარდა. დაწესებულებაში ამ ეტაპზე 70-მდე აღსაზრდელის მიღებაა შესაძლებელი.

განახლებული საბავშვო ბაღი სამცხე-ჯავახეთის გუბერნატორმა აკაკი მაჭუტაძემ და ბორჯომის მუნიციპალიტეტის გამგებელმა დიმიტრი ყიფიანმა გახსნეს.

[თამარ თოთაძე, ბორჯომი]