სოფელ ბოლაჯურში საბავშვო ბაღი გაიხსნა

საბავშვო ბაღის შენობა საზეიმო ვითარებაში სამცხე-ჯავახეთის გუბერნატორმა კახა სამხარაძემ, ადიგენის მუნიციპალიტეტის მერმა ზაქარია ენდელაძემ, ახალციხისა და ადიგენის მაჟორიტარმა დეპუტატმა გიორგი კოპაძემ და ადიგენის მუნიციპალიტეტის საკრებულოს თავმჯდომარემ იმედა მღებრიშვილმა გახსნეს.

ბაღში ორი სათამაშო და ორი სასაუზმე ოთახი, სამზარეულო, საძინებელი, საკუჭნაო, დერეფანი და სამი სველი წერტილია.

პროექტის ფარგლებში მთლიანად განახლდა შენობის გარეფასადი, კარ–ფანჯრები და იატაკი, მოეწყო წყლის სისტემა, ელექტროგაყვანილობა, შეიღება ჭერი და კედლები.

სოფელ ბოლაჯურში საბავშვო ბაღის შენობა ამორტიზებული იყო და მხოლოდ ერთი ჯგუფი ფუნქციონირებდა. ახლა კი ბაღში ორი ჯგუფია. აქ, ბოლაჯურის მიმდებარედ ხუთი სოფლის აღსაზრდელები ივლიან.

პროექტის განხორციელებისათვის ადგილობრივი ბიუჯეტიდან 118 000 ლარი გამოიყო. საერთაშორისო ორგანიზაცია „world vision“-მა სააღმზრდელო დაწესებულება ყველა საჭირო ინვენტარით აღჭურვა.



[sknews.ge]