სოფელ ლელოვანში საბავშვო ბაღი გაიხსნა

სკოლამდელი აღზრდის დაწესებულება 60 აღსაზრდელზეა განკუთვნილი. აქ ორი სათამაშო, ორი საძინებელი, აღმზრდელთა ოთახი, სამზარეულო და დერეფანია განთავსებული.

საბავშვო ბაღი ახალი ავეჯით, სათამაშოებით და საჭირო ინვენტარით აღიჭურვა, სადაც 12 ადგილობრივი დასაქმდა.
შენობა დღეს, 21 დეკემბერს, სამცხე-ჯავახეთის გუბერნატორის მოადგილემ გიორგი მიქელაძემ, ადიგენის მუნიციპალიტეტის გამგებელმა ზაქარია ენდელაძემ და საკრებულოს თავმჯდომარემ იმედა მღებრიშვილმა გახსნეს.

როგორც ადიგენის მუნიციპალიტეტის გამგეობაში განმარტავენ, აღნიშნულ შენობაში, წლების წინ, გამგებლის წარმომადგენლის კაბინეტი იყო განთავსებული. თუმცა ბოლო პერიოდში, შენობა არ ფუნქციონირებდა. პროექტის ფარგლებში, შეიცვალა მისი სახურავი, კარ-ფანჯარა და იატაკი, მოეწყო ცენტრალური გათბობის სისტემა, კეთილმოეწყო შენობის ინტერიერი და გარე ფასადი.

[ლუბა გიორგაძე, ადიგენი]