სოფელ ფერსაში საბავშვო ბაღი გაიხსნა

სოფელ ფერსაში ახალი საბავშვო ბაღი დღეს, 1 ივნისს ახალციხის მუნიციპალიტეტის გამგებელმა ზაზა მელიქიძემ და სამცხე–ჯავახეთის გუბერნატორმა აკაკი მაჭუტაძემ გახსნეს.

სკოლამდელი აღზრდის დაწესებულება 60–მდე აღსაზრდელის მიიღებას შეძლებს და ფერსის გარდა, კიდევ ორ სოფელს მუგარეთსა და გიორგიწმინდას მოემსახურება.

საბავშო ბაღში 13 ადგილობრივი დასაქმდება.

ადგილობრივი ბიუჯეტიდან ფერსის საბავშვო ბაღის შენობის რეაბილიტაციაზე 165 476 ლარი დაიხარჯა.

გამგეობის ინფორმაციით, 2014 წლიდან დღემდე ახალციხის მუნიციპალიტეტში 7 ახალი საბავშვო (ვალის ე. წ. მეორე შახტის, წნისის, მინაძის, ურავლის, საძელის, წყალთბილის, ფერსის) ბაღი გაიხსნა. ჯამში თემში 14 სკოლამდელი აღზრდის დაწესებულება ფუნქციონირებს, რომელშიც 684 აღსაზრდელია.







[sknews.ge]