საძელში ახალი საბავშვო ბაღი გაიხსნა

დაწესებულება ახალციხის მუნიციპალიტეტის გამგებელმა ზაზა მელიქიძემ და მხარის გუბერნატორმა აკაკი მაჭუტაძემ გუშინ, 16 თებერვალს გახსნეს.

სკოლამდელი აღზრდის დაწესებულება ორ სოფელს საძელსა და ხაკს მოემსახურება და 30 აღსაზრდელის მიღება შეეძლება. რეაბილიტირებულ საბავშვო ბაღში ადგილობრივები დასაქმდნენ.

2014 წლამდე ახალციხის მუნიციპალიტეტში 8 საბავშვო ბაღი ფუნქციონირებდა. დღეისათვის მუნიციპალიტეტში 13 საბავშვო ბაღია,რომელშიც 630 აღსაზრდელი სწავლობს. მიმდინარე წელს დაგეგმილია კიდევ 3 სკოლამდელი აღზრდის დაწესებულების გახსნა ანდრიაწმინდაში, ფერსაში და წინუბანსა-გურკელში.

[sknews.ge]