ბორჯომში ბაღების რეაბილიტაცია დასრულდა

ადგილობრივი ბიუჯეტიდან გამოყოფილი 230.290 ლარით რეაბილიტაცია ჩაუტარდა ქალაქ ბორჯომის N1 ბაგა–ბაღსა და N3 ბაღს და მოპირკეთდა N1 ბაღის გარე ფასადი. ამ სამ ბაღში 240 აღსაზრდელი სწავლობს.

ბაღებში შეიცვალა კარ–ფანჯარა, მოეწყო ცენტრალური გათბობა, გარემონტდა: დარბაზი, საძინებელი, სათამაშო ოთახები, სამზარეულო და სველი წერტილები. საბავშვო ბაღებში სრულად შეიცვალა ავეჯი და ყველა საჭირო ინვენტარით აღიჭურვა.

გარდა ამისა, ადგილობრივი ბიუჯეტიდან რეაბილიტაცია ჩაუტარდა სოფელ ტაძრისის საბავშვო ბაღს, გარემონტდა დარბაზი, შესასვლელი, შეიცვალა წყლის სისტემა და იატაკი. სოფლების: ყვიბისისა და წაღვერის საბავშვო ბაღებში კი კარ–ფანჯარა შეიცვალა.

როგორც ბორჯომის გამგეობაში ამბობენ, დაგეგმილია სოფელ კორტანეთის საბავშო ბაღის რეაბილიტაციაც.

[sknews.ge]