ახალქალაქში სტუდენტთა საერთო საცხოვრებელი გაიხსნა

სამცხე–ჯავახეთის სახელმწიფო უნივერსიტეტის ახალქალაქის კორპუსში საერთო საცხოვრებლის გახსნა სასწავლებლის 25 წლის იუბილეს დაემთხვა.

საზეიმო ცერემონიალს უნივერსიტეტის პროფესორ–მასწავლებლებთან და სტუდენტებთან ერთად საქართველოს განათლებისა და მეცნიერების მინისტრი თამარ სანიკიძე დაესწრო.

ასევე ახალქალაქში იმყოფებოდნენ ივანე ჯავახიშვილის სახელობის თბილისის სახელმწიფო უნივერსიტეტის ყოფილი რექტორი როინ მეტრეველი და ამჟამინდელი რექტორი ვლადიმერ პაპავა, თურქეთის ართვინის უნივერსიტეტის რექტორი მეჰმედ დუმანი და არდაჰანის უნივერსიტეტის რექტორი რამაზან ქორქმაზი, ახალქალაქის მუნიციპალიტეტის ადგილობრივი თვითმმართველობისა და რესურს ცენტრის წარმომადგენლები.

შეგახსნებთ, რომ 16 ნოემბერს სამცხე–ჯავახეთის უნივერსიტეტმა 25 წლის იუბილე სხვადასხვა ღონისძიებებით აღნიშნა.

[თამარ თოთაძე, ახალქალაქი]