16 ნოემბერს სამცხე–ჯავახეთს განათლების მინისტრი ესტუმრება

მთავარი → საზოგადოება » განათლება 13.11.2015

16 ნოემბერს სამცხე–ჯავახეთის სახელმწიფო უნივერსიტეტის 25 წლის იუბილისადმი მიძღვნილი ღონისძიებები გაიმართება, გაიხსნება სტუდენტთა რეაბილიტირებული საერთო საცხოვრებელი ახალქალაქში, რომელსაც განათლებისა და მეცნიერების მინისტრი თამარ სანიკიძე დაესწრება.

16 ნოემბერს სამცხე–ჯავახეთს განათლების მინისტრი ესტუმრება

სამცხე–ჯავახეთის სახელმწიფო უნივერსიტეტი 25 წლის იუბილეს 16 ნოემბერს აღნიშნავს. დაგეგმილია უნივერსიტეტის აკადემიური საბჭოს სხდომა, სადაც საპატიო დოქტორებს აირჩევენ. სხდომა 11:00 საათზე პავლე ზაზაძის სახელობის საკონფერენციო დარბაზში გაიმართება.

14:00 საათზე ახალქალაქში სტუდენტთა რეაბილიტირებული საერთო საცხოვრებელი გაიხსნება. საზეიმო გახსნას საქართველოს განათლებისა და მეცნიერების მინისტრი თამარ სანიკიძე დაესწრება.

18:00 საათზე კი მესხეთის სახელმწიფო დრამატულ თეატრში საიუბილეო ღონისძიებაა დაგეგმილი, რომელიც საქართველოს განათლებისა და მეცნიერების სამინისტროს მიერ ორგანიზებული თბილისის ინოვაციებისა და მეცნიერების საერთაშორისო კვირეულის ფარგლებში გაიმართება.

[თამარ თოთაძე, ახალციხე]