სამცხე–ჯავახეთში 5.200 აბონენტი ელექტროენერგიის გარეშეა დარჩენილი

ადიგენის, ახალქალაქის და ნინოწმინდის მუნიციპალიტეტებში უამინდობის გამო, დაზიანებული ელექტროგადამცემი ხაზების და დაზიანებული ფიდერების აღდგენითი სამუშაოები ამ დრომდე მიმდინარეობს.

ადიგენის მუნიციპალიტეტის სოფლებში ელექტროენერგიის გარეშე 800–მდე აბობენტია დარჩენილი.

„ენერგო–პრო ჯორჯიას“ სამხრეთ საქართველოს ფილიალის საზოგადოებასთან ურთიერთობის სამსახურის წარმომადგენელის, გიორგი ბალახაშვილის განმარტებით, მიზეზი საყრდენი ბოძების დაზიანება გახდა.

2 500 აბობენტია უშუქოდ ახალქალაქის მუნიციპალიტეტში, 1 900 კი ნინოწმინდაში.

შეგახსენებთ, რომ რომ ძლიერი ქარის გამო, 12 ნოემბერს სამხრეთ საქართველოს ფილიალში შემავალ მუნიციპალიტეტებში ელექტროენერგია 21 000 აბონენტს არ მიეწოდებოდა.ამ დროისთვის კი დენის გარეშე 5 200 აბონენტია დარჩენილი.

[თინათინ ზაზაძე, ახალციხე]