ადიგენს ელექტროენერგია არ მიეწოდება

ელექტროენერგიის მიწოდება ადიგენის მუნიციპალიტეტს 11:30 საათზე შეუწყდა.

„ენერგო–პრო ჯორჯიას“ სამხრეთ საქართველოს ფილიალის საზოგადოებასთან ურთიერთობის სამსახურის წარმომადგენელის გიორგი ბალახაშვილის განმარტებით, ელექტროენერგიის გათიშვის მიზეზი გეგმიური სამუშაოებია.

„ადიგენის 110 კილოვატიან ქვესადგურში გეგმიური პროფილაქტიკური სამუშაოები მიმდინარეობს, რის გამოც გამორთულია მთლიანი ქვესადგური. დენი არ მიწოდება მთლიან მუნიციპალიტეტს“, – განმარტავს გიორგი ბალახაშვილი.

მისი თქმით, დენის მიწოდება მოსახლეობას 17:00 საათზე აღუდგება.

[თინათინ ზაზაძე, ახალციხე]