„დემოკრატია იწყება შენით“

პროექტი მესამე წელია ხორციელდება ფონდ „კონრად ადენაუერისა“ და თბილისის პოლიტიკური სკოლის მიერ.

მასში სამხრეთ კავკასიის რეგიონის სამი ქვეყანა მონაწილეობს: საქართველო, სომხეთი და აზერბაიჯანი.
თითოეული ქვეყნიდან 20 სკოლაა შერჩეული. სამცხე–ჯავახეთიდან პროექტში სამი სკოლაა ჩართული: ახალციხის პირველი და მესამე და ასპინძის პირველი საჯარო სკოლები.

პროექტის ტრენერის ნინო ნადირაძის განმარტებით, ტრენინგები ოთხი დღის განმავლობაში გაგრძელდება და მოიცავს დისკუსიებს სხვა და სხვა მნიშვნელოვან თემებზე, სიმულაციურ თამაშებს, ვიდეო ფილმების ჩვენებას და ა.შ.

ახალციხის სკოლებს შორის უკვე გამოვლინდა გამარჯვებული თამარ ჯაფარიძეც. იგი მარტში თბილისში გაემგზავრება, სადაც სომხეთისა და აზერბაიჯანის სკოლის მოსწავლეებიც მოიყრიან თავს.

საბოლოოდ 5 მონაწილე შეირჩევა, რომლებიც 4 დღით ბელგიაში გაემგზავრებიან.

[ნინო ზედგინიძე, ახალციხე]