FLEX - ის გაცვლით პროგრამაში მოსახვედრად სამცხე–ჯავახეთიდან 83 მოსწავლე იბრძვის

FLEX-ის პროგრამაში ახალციხის, ასპინძის და ადიგენის 21 სკოლის 83 მოსწავლე მონაწილეობს, აღნიშნულმა მოსწავლეებმა პროგრამის პირველი ნაწილი უკვე გაიარეს. დღეს მონაწილეებს მოუწევთ სამი ესსეს (თემის) დაწერა ინგლისურად.

FLEX-ის პროგრამაში შემდეგი სკოლები მონაწილეობენ:

ახალციხის პირველი საჯარო სკოლა – 18 მოსწავლე;
ახალციხის მეორე საჯარო სკოლა – სამი მოსწავლე;
ახალციხის მესამე საჯარო სკოლა – ექვსი მოსწავლე;
ახალციხის მეხუთე საჯარო სკოლა – 16 მოსწავლე;
ახალციხის მეექვსე საჯარო სკოლა – ხუთი მოსწავლე;
ახალციხის კერძო სკოლა „მზექა“ – ხუთი მოსწავლე;
ვალის პირველი საჯარო სკოლა – შვიდი მოსწავლე;
სოფელ ვალის პირველი საჯარო სკოლა – ერთი მოსწავლე;
ვალის მესამე საჯარო სკოლა – ერთი მოსწავლე;
აწყურის საჯარო სკოლა – ორი მოსწავლე;
ასპინძის საჯარო სკოლა – ორი მოსწავლე;
ასპინძის პირველი საჯარო სკოლა – ერთი მოსწავლე;
სოფელ რუსთავის საჯარო სკოლა – სამი მოსწავლე;
სოფელ ოშორის საჯარო სკოლა – ერთი მოსწავლე;
სოფელ ფერსის საჯარო სკოლა – ორი მოსწავლე;
სოფელ ვარხნის საჯარო სკოლა – ერთი მოსწავლე;
აბასთუმნის საჯარო სკოლა – ერთი მოსწავლე;
ადიგენის საჯარო სკოლა – ორი მოსწავლე;
სოფელ კლდის საჯარო სკოლა – ხუთი მოსწავლე;
სოფელ ივერიის საჯარო სკოლა – ერთი მოსწავლე.

FLEX-ის პროგრამაზე, რომელიც ამერიკაში, ერთი წლით უფასო სწავლებასა და ცხოვრებას გულისხმობს, შესარჩევი ეტაპი 16 სექტემბრიდან დაიწყო. რომელიც სამ ეტაპად გაიმართება, პირველი ეტაპი, მონაწილეების შერჩევა ნინოწმინდაში უკვე გაიმართა, ხოლო ბოლო ეტაპი ბორჯომში ჩატარდება, სადაც საბოლოოდ გამოავლენენ მოსწავლეებს, რომლებიც პროგრამით ამერიკაში გაემგზავრებიან.

კონკურსში მონაწილეობა შეუძლიათ IX, X, XI კლასის მოსწავლეებს, რომლებიც დაბადებული არიან 2003 წლის 1 იანვრიდან 2005 წლის 16 ივლისამდე.

მომავალ ლიდერთა გაცვლითი პროგრამა (FLEX) არის ყოფილი საბჭოთა კავშირის 10 ქვეყნის, მათ შორის საქართველოს, ზოგადსაგანმანათლებლო სკოლების მოსწავლეთათვის განკუთვნილი გაცვლითი პროგრამა. იგი აშშ-ს სახელმწიფო დეპარტამენტის მიერ სრულად ფინანსდება.

[ლუბა გიორგაძე, ახალციხე]