სარდაფში გამოკეტილი მუზეუმის ფონდი 'ახალციხის ციხეზე' ჯერ არ გადაუტანიათ

„ახალციხის ციხეზე“ „პუმას“ მაღაზიის ყოფილ შენობაში სარდაფიდან ფონდის ნაწილი ამ დრომდე არ გადაუტანიათ. მუზეუმში თაროების დამზადებას ელოდებიან.

„როგორც მუზეუმის დირექტორი ციური ლაფაჩი აცხადებს, თაროებს საზღვარგარეთ ამზადებენ და თავად ვერაფერს შეცვლიან“, – განუმარტეს „სამხრეთის კარიბჭეს“ „ახალციხის ციხის“ საზოგადოებასთან ურთიერთობის სამსახურში;

შეგახსენებთ, რომ სამცხე–ჯავახეთის მუზეუმის ექსპონატები და სამეცნიერო ბიბლიოთეკა სამცხე–ჯავახეთის უნივერსიტეტის მეორე კორპუსის სარდაფში 2012 წლის აგვისტოში ჩაიტანეს, მას შემდეგ, რაც რაბათში სარეაბილიტაციო სამუშაოები დაიწყო. ახალციხის ციხის რეაბილიტაციის დასრულების შემდეგ, ექსპონატების ნაწილი განახლებულ მუზეუმში აიტანეს და ვიტრინებში განათავსეს. ნაწილი კი ისევ სარდაფში დარჩა. იქ არსებული ფონდის ციხის ტერიტორიაზე განსათავსებლად „პუმას“ ყოფილი მაღაზია 2013 წელს გამოიყო, თუმცა შენობა ამ დრომდე ცარიელია.

[თამუნა უჩიძე, ახალციხე]