სოფელ წახანში ავარიული ხიდი კაპიტალურად შეკეთდა

ადიგენის მუნიციპალიტეტის სოფელ წახანში ადგილობრივმა თვითმმართველობამ საკუთარი სახსრებით ხიდი კაპიტალურად აღადგინა.

„გაკეთდა რკინის მოაჯირები, რკინის ზედა საფარი და ასევე რკინის ზღუდეები. ეს ხიდი ამიერიდან, ფაქტობრივად მუდმივი მოხმარებისაა“, – ამბობს ადიგენის მუნიციპალიტეტის გამგებელი ზაქარია ენდელაძე.

მისი თქმით, აღნიშნული ობიექტის გაკეთება ადგილობრივ ბიუჯეტს დაახლოებით 14 ათასი ლარი დაუჯდა.

ახალგარემონტებული ხიდი ერთმანეთს სამი სოფელს: წახანს, ქიქინეთსა და ანს აკავშირებს. ხიდი პერიოდულად მწყობრიდან გამოდიოდა, თუმცა მისი დროებით შეკეთება პრობლემას კვლავ გადაუჭრელს ტოვებდა. ადგილობრივმა თვითმმართველობამ აქ კაპიტალური სარემონტო სამუშაოები დაახლოებით ერთი თვის წინ დაასრულა.







[თამუნა უჩიძე, ადიგენი]