ახალციხეში ავარიის დროს დაშავებული ორი პირიდან ერთმა კლინიკა დატოვა

ავტოსაგზაო შემთხვევის შედეგად დაშავებული კაცი საავადმყოფოდან დღეს, 29 მარტს გაწერეს.

"ორივეს ჩაუტარდა გამოკვლევები, ერთის მდგომარეობა დამაკმაყოფილებელია და გაეწერა ბინაზე, მეორე ახალგაზრდას დაჟეჟილობები აქვს, იგი ექიმების მეთვალყურეობის ქვეშ რჩება", – განაცხადეს ახალციხის რეფერალურ ჰოსპიტალში.

შეგახსენებთ, რომ ავტოსაგზაო შემთხვევა ახალციხეში გუშინ 28 მარტს, საღამოს მოხდა. საბარგო სადგურის მიმდებარე ტერიტორიაზე „მერსედესის“ მარკის ავტომობილი ხეს შეეჯახა. ავარიის დროს მანქანაში სამი პირი იმყოფებოდა, აქედან ერთი 39 წლის მამაკაცი ადგილზე გარდაიცვალა, ორი კი ახალციხის რეფერალურ საავადმყოფოში გადაიყვანეს.

[თინათინ ზაზაძე, ახალციხე]