მასწავლებელთა სასერტიფიკაციო გამოცდაზე 74 პედაგოგი არ გამოცხადდა

ერთიანი ეროვნული გამოცდების პარალელურად, მასწავლებელთა სასერთიფიკაციო გამოცდები მიმდინარეობს. საქართველოს ყველა საგამოცდო ცენტრში პირველი სესიისთვის რეგისტრაცია 08:00 საათზე, გამოცდა კი 09:00 საათზე დაიწყო.

აბიტურიენტები დღეს გამოცდას სამოქალაქო განათლებაში აბარებენ. ახალციხის საგამოცდო ცენტრში დარეგისტრირებული 13 აბიტურიენტიდან გამოცდაზე 13–ვე გამოცხადდა.

რაც შეეხება მასწავლებელთა სასერტიფიკაციო გამოცდას, პედაგოგები დღეს გეოგრაფიის, ქართულის, ისტორიის და მათემატიკის გამოცდას აბარებენ. ახალციხის საგმოცდო ცენტრში დარეგისტრირებული 198 მასწავლებლიდან გამოცდაზე 74 არ გამოცხადდა.

მეორე სესიაზე გამოცდას ის სტუდენტები ჩააბარებენ, რომლებსაც გრანტის გაუმჯობესება სურთ.

შეგახსენებთ, რომ ერთიანი ეროვნული გამოცდები ახალციხის N5 საჯარო სკოლაში მიმდინარეობს. ახალციხეში, ისევე, როგორც ყველა საგამოცდო ცენტრთან, მობილიზებულია სახანძრო, სამაშველო და სასწრაფო დახმარების სამსახურები.

ახალციხის საგამოცდო ცენტრთან, ხალხმრავლობის გამო, რუსთაველის ქუჩიდან ახალციხის ცენტრალური პარკისკენ ( და პირიქით) სამანქანო გზა გადაკეტილია. მოძრაობა შეფერხებული გამოცდების დასრულებამდე დარჩება.

[თამარ თოთაძე, ახალციხე]