‘ახალციხელობა’ დასკვნით ნაწილს უახლოვდება

სახალხო დღესასწაულის დასკვნითი ნაწილი ზაზა თამარაშვილის ვაჟთა ანსამბლმა „შავლეგოთი“ გახსნა. ამის შემდეგ კი სცენა ადგილობრივ ქორეოგრაფიულ ანსამბლებს დაეთმო.

როგორც ორგანიზატორები გვიხსნიან, საღამოს 15 ნომერი შესრულდება. მაყურებლის წინაშე წარსდგებიან: ფოლკლორული და ქორეოგრაფიული ანსამბლები, ინდივიდუალური შემსრულებლები და სახალხო მთქმელები.

კონცერტს ესწრებიან ხელისუფლების წარმომადგენლები და სასულიერო პირები.

შეგახსენებთ, დღეს 30 ივნისს, დილიდან, ახალციხეში სახელობით დღესასწაულს ზეიმობენ. დღესასწაულის აღნიშვნა დილით, შალვა ახალციხელის მშენებარე ტაძარში წირვა–ლოცვით დაიწყო, 11:00 საათიდან კი არაერთი სპორტული ღონისძიება გაიმართა.

დღესვე წარადგენენ და დააჯილდოვებენ ახალციხის საპატიო მოქალაქეებს. ასევე, შემაჯამებელი კონცერტის დაწყებამდე დააჯილდოვებენ სპორტულ ღონისძიებებში გამარჯვებულებს.

[თეონა თაბუნიძე, ახალციხე]