ახალციხეში სახელობით დღესასწაულს აღნიშნავენ

წირვა–ლოცვა ახალციხისა და ტაო–კლარჯეთის მიტროპოლიტმა თეოდორემ, ზუგდიდისა და ცაგერის მიტროპოლიტმა გერასიმემ, ცაგერისა და ლენტეხის მთავარ ეპისკოპოსმა სტეფანემ და ხორნაბუჯისა და ჰერეთის ეპისკოპოსმა დიმიტრიმ აღავლინეს.

წირვას, ტაძრის მრევლთან ერთად, სამცხე–ჯავახეთის გუბერნატორი აკაკი მაჭუტაძე და ადგილობრივი ხელისუფლების სხვა წარმომადგენლები დაესწრნენ.

ახალციხეში შალვა ახალციხელის სახელობის ტაძრის მშენებლობას საფუძველი 2009 წელს ჩაეყარა. ტაძრის სამშენებლო სამუშაოები ამ დრომდე მიმდინარეობს.

შეგახსენებთ, ახალციხელობასთან დაკავშირებით, მთელი დღის განმავლობაში ქალაქში სხვადასხვა ღონისძიებებია დაგეგმილი.


[ვარლამ წიკლაური, ახალციხე]